Spider-Man: Across the Spider-Verse

මෙම චිත්‍රපටය Sony Pictures Animation සමාගම මගින් නිෂ්පාදනය කරන ලද Spider-Man: Across the Spider-Verse (2023) වන අතර, සිරස TV නාලිකාව මගින් සිංහලට හඬකවා විකාශය කරන ලද මෙහි හඬකැවීම් අධීක්ෂණය රෝචන විමලදේව විසින්ද, පරිවර්තනය, දෙබස් සහ හඬකැවීම් අධ්‍යක්ෂණය කාංචන අමරරත්න විසින්ද සිදුකර ඇත. Miles Morales සඳහා අශාන් චන්ද්‍රසේන, Peter B. Parker සඳහා අතුල ජයසිංහ, Gwen Stacy සඳහා පහනි වික්‍රමාරච්චි, Pavitr Prabhakar සඳහා ශෂී ප්‍රියංකර, Spot සඳහා ලහිරු වෙඩිපුල් ආරච්චි, Aaron Davis සඳහා අනුෂ්ක විජේතිලක, Miguel O'Hara සඳහා අනුර ජයන්ත, George Stacy සඳහා රෝචන විමලදේව, Jess Drew සඳහා ඉමාලි මදනායක, Jeff Davis සඳහා සසිත සේනානායක, Rio Morales සඳහා ස්නේහා වසුන්දරා මෙන්ම ශ්‍යාමලී ලිවේරා, රෙක්ස් හැමිල්ටන්, ඔහන්සි ඉමෙත්මා, අනූෂා දිසානායක, බුද්ධික බන්දුජීව, රොමේෂිකා පෙරේරා, ප්‍රමිෂ්කා ජයවීර, දෙව්හාරා වීරසිංහ, හිමාලි වේරගම, චෙෂිනි අනුරාධා, ශ්‍රීමති රොද්‍රිගෝ, සහ මියැසි මුණසිංහ ඇතුළු දැවැන්ත හඬකැවීම් ශිල්පීන් පිරිසක් හඬින් දායක වී ඇත. Gwen සමඟ නැවත එක්ව බහු-විශ්වය (Multiverse) හරහා ගමන් කරන Miles හට, බහු-විශ්වයේ පැවැත්ම ආරක්ෂා කිරීමට කැපවූ Miguel O'Hara ප්‍රමුඛ 'Spider-Society' කණ්ඩායම මුණගැසෙන අතර, විශ්වයේ ස්ථායීතාවය වෙනුවෙන් තමන්ගේ ආදරණීය පියාගේ ජීවිතය බිලිදිය යුතු බවට වන නියතියට (Canon Event) එරෙහිව යමින් තම පවුල මෙන්ම මුළු ලෝකයම බේරාගැනීමට Miles තනිවම සටන් වදියි. තමන්ගේ ඉරණම තමන් විසින්ම තීරණය කිරීමේ අයිතිය, පවුලේ බැඳීම, පෞද්ගලික ආචාරධර්ම සහ තනි වීරයෙකු ලෙස ලෝකයේ සම්මුතීන්ට එරෙහිව නැගීසිටීමේ ධෛර්යය මෙහි ප්‍රධාන තේමාව වෙයි.